خلينا نتفق من الأول إن "روتوسكوبينج" كعملية بالمعنى الحرفي مش موجود أصلاً في أي من أدوات الذكاء الاصطناعي! 😅 لأنك في النهاية مش بتاخد ماسكات أو أشكال (Shapes) قابلة للتحكم والتعديل، بل مجرد ماتس (Mattes) مقفولة علي بعضها ، فالأدق هنا نقول(Matte Creation)! لكن بما إن مصطلح "AI Rotoscoping"  الجديد منتشر اونلاين ، فهنمشي معاه عادي. 🙃

رغم إن أدوات الذكاء الاصطناعي في الروتوسكوبينج وعزل العناصر ما زالت  جودة الحواف ( الإيدجات) الناتجة منها مش دايمًا على مستوى إنتاجي (Production-Level) ولا حتي دقيقة ب نسبة عالية ولسه بعيده عن "البيكسل بيرفيكت" كواليتي المتوقعة مننا في الشغل. لكنها فنفس الوقت بتختصر وقت ضخم وممكن تسرع العملية بشكل لا يُصدق، تخيل تعمل كور مات رائع كبدايه لشغلك في وقت قياسي! 🚀

وفي بعض الشوتات، مش دايمًا بتكون محتاج أكتر من كده أصلاً، خاصة لو الهدف هو فصل سريع  أو إنشاء مات لأجسام معينه عشان تعمل سلاب كومب ل شوت او مجموعة شوتات بسرعة!  او لاغراض تانيه !

🎬 فلو عايز مات سريع ينقذك في وقت زنقة،  خاصه لو انت فريلانسر , لازم تبقى متطلع على التولز دي!
خاصه
تعالي نشوف أحدث الخيارات المتاحه لينا دلوقتي  ف 2025 :

أدوات الذكاء الاصطناعي  للفصل التلقائي داخل برنامج نيوك 

1-  ساموراي (Sam2) Samurai for Nuke :

ساموراي سيجمنتيشن هو دمج لموديل سام٢  من شركة ميتا داخل نيوك، وهو حاليًا من  أقوى وأفضل حلول الفصل  التلقائي المتاحه في نيوك.
🔗 تفاصيل التثبيت والشرح هنا

✅ المميزات:

🔹 يحتوي على واجهة منفصلة لتحديد الأجسام المختلفة بسهولة.

🔹 يقدم نتائج دقيقة  ويجيد التعامل مع الأجسام المتداخله 
🔹  بيتعامل مع EXR و سريع نسبياً مقارنه بباقي الأدوات. ( 😜Still must precomp )

🔹 رغم وجود دمجات أخرى لموديل سام٢، إلا أن ساموراي حاليًا هو الأفضل لنيوك!

❌ العيوب:

🔸 عملية التثبيت قد تكون معقدة بعض الشيء وتتطلب خطوات إضافية مقارنة بباقي الأدوات.

💯 تقييمي الشخصي: ٨/١٠

2 - مودنت  Mod-net:

مودنت هو  موديل متخصص في فصل الشخصيات البشرية فقط بدون الحاجة لأي إدخال يدوي , وهو جزء من Cattery Tools .

✅ المميزات:

🔹 سريع جدًا وسهل الاستخدام – مجرد تحميله ووضعه في مجلد كاتري وهو جاهز للعمل!

🔹 مناسب جدًا للمشاهد التي تحتوي على شخصيات قريبة بحركة بسيطة.

❌ العيوب:

🔸 أداؤه محدود في المشاهد التي تحتوي على تداخلات مع عناصر أخرى، حيث يصبح أقل دقة.

💯 تقييمي الشخصي: ٧/١٠

هنالك موديلز مشابهة  للحصول علي الديبث مثل DepthAnything / MiDas 
يمكنك الدمج بينهم واستخدام تلك الموديلز عشان  نعمل كومب للحاجات علي ابعاد مختلفه .

🔗 جربه الآن

3- سيجمنت أني ثينج – Segment anything ( SAM1) 

سيجمنت أني ثينج هو دمج لموديل سام١  من شركه ميتا داخل نيوك، وهو  أيضاً أحد الخيارات المتاحة من ضمن أدوات كاتريCattery tools 

❌ العيوب:

🔸 يفتقر إلى الاستقرار الزمني، مما يجعله غير عملي في الفيديوهات .

🔸 النتائج ليست دقيقة بما يكفي لتُستخدم في البرودكشن.

💡 متى يكون مفيدًا؟

🔹 إذا كنت تحتاج إلى فصل العديد من العناصر بسرعة أو الحصول على ماتات شبيهة بكريبتو مات لفريمات ثابتة فقط .

💯 تقييمي الشخصي: ٢/١٠

🔗 قم بتحميلة 

4-  كوبي كات من نيوك  CopyCat  –
  خيار مضمون لتدريب الذكاء الاصطناعي بنفسك!

بالتأكيد شوفتها أو استعملتها بالفعل! كوبي كات تسمح لك بتدريب الذكاء الاصطناعي  بنفسك على إنشاء الماتس لأي كائن عن طريق تعليم الكمبيوتر الخطوات المطلوبة يدويًا. (MachineLearnnig)

✅ المميزات:

🔹 فعالة جدًا في الإنتاج إذا تم تدريبها جيدًا.

🔹 توفر تحكم كامل في النتيجة ، مما يجعلها أكثر دقة من الأدوات الأخرى.

❌ العيوب:

🔸 تحتاج إلى وقت كافٍ لتحضير الفريمات المرجعية وتدريب الموديل، مما يجعلها غير مثالية للحالات المستعجلة.

💯 تقييمي الشخصي: ٨/١٠

اثبتت انها أداه كفئة وصالحه لشغل البرودكشن  الحقيقي بشرط انك تقوم بتقديم ريفرنس فريمز محترمه وتدريب المودديل بتاعك علي مواقف مختلفه .. تفاصيل اكتر وكامل المميزات والعيوب ممكن تعرفها من الفيديو ده 

🔹 برامج أخرى تعتمد على الذكاء الاصطناعي  للروتوسكوبينج  والمات كرييشن

5- سيلويت ٢٠٢٥ – أقوى أداة للروتوسكوبينج أصبحت أكثر ذكاءً

✅ المميزات:

🔹 أفضل برنامج  شامل للروتو المانويل باحترافية عالية.

🔹 يوفر أدوات ذكاء اصطناعي لتسريع العمليات.

❌ العيوب:

🔸 يتطلب تعلم البرنامج بالكامل للحصول على أفضل النتائج ولكنه سهل التعلم أيضاً ! 

💯 تقييمي الشخصي: ٩/١٠

6 -  ديب ميك – Deep Make برنامج مستقل متاح حالياً  للتجربة 
في النسخة البيتا :

🔗 جربه الآن

💯 تقييمي الشخصي:  لم أجربه بعد، لكن يبدو واعدًا!

7-  سلاب شوت –  Slap Shot منصة أونلاين مجانية للروتو

🔗 جربه الآن

✅ المميزات:

🔹 مجاني تمامًا بدون قيود!

🔹 يدعم تحميل الملفات بصيغة EXR وبالجودة الكاملة.

❌ العيوب:

🔸 أي منصة أونلاين تمثل مخاطرة أمنية، فلا يُنصح باستخدامها للشركات و للعملاء .

💯 تقييمي الشخصي: ٧/١٠ – شغال و أحسن من رن واي بكتير !

8-  رن واي –  RunWAY الرائد الذي بدأ مبكرًا لكنه فقد بريقه 
 أو ظل عبيطاً  مكنش فيه بريق ولا حاجة .

🔗 جربه هنا 

✅ المميزات:

🔹 كان من أوائل الحلول المتاحة للذكاء الاصطناعي في المات كريشين .
🔹تابع لشركة عملاقة، فمن المهم مراقبة تطوره في الفترة الجاية، لأنه ممكن يرجع بقوة

❌ العيوب:
🔸بيفشل في تعقب الأجسام بشكل جيد في الإضائات المنخفضه و الأجسام البعيدة  

🔸 أصبح أضعف من منافسيه مؤخرًا.

🔸 تحتاج للدفع ( الإشتراك) لتنزيل المات بجودة كاملة.

💯 تقييمي الشخصي: 4/10 

🔹 إضافات الذكاء الاصطناعي لبرنامج أفتر إفكتس
AI Matting Plugins for AfterEffects :
 بتهزر ؟  لأ افتر افيتكس لسه برنس وشركات كتير بتستخدمه ف أفلام و مسلسلات كبيرة كمان ! مش بس للموشن جرافيك يعني !   وعادي انك تروح أفتر تعمل مات وترجع تكمل فنيوك وتستفاد منه , فكل الأحوال دي بلجنز  و تولز بتستخدم ال AI  فالروتو والمات كرييشن  من جوه أفتر أفيتكس  مباشره وبسرعه .. تخيل هتبقي مفيده ازاي.​

9 - الجيل الجديد من أداة روتو برش Roto Brush!
أيوه محبوبه الجميع الروتو برش اللي بتنجزنا وبتبهرنا فأوقات دلوقتي الجنريشن الجديد بتاعها بالذكاء الاصطناعي متاحة ف أخر فيرجنز. 

✅ المميزات:

🔹 أكثر دقة وسرعة خاصة في الشعر والأطراف المتداخلة والعناصر الشفافة.

💯 تقييمي الشخصي: ٩/١٠

10-  ماسك برومبتر – Mask Prompter اكتب اسم العنصر المستهدف وهو يعمل المات تلقائيًا !

❌ العيوب: 🔸 مدفوع،
💯 تقييمي الشخصي: لم أجربه بعد
التفاصيل والشراء هنا 

11- جود باي جرين سكرين ٢ – 2 Good bye greenscreen   
 إزالة الخلفيات بدون أي عمل يدوي

✅ المميزات:

🔹 يعتمد على الذكاء الاصطناعي بالكامل لإزالة الخلفيات تلقائيًا.

❌ العيوب:

🔸 مدفوع، لكنه يقدم نتائج ممتازة.

💯 تقييمي الشخصي: ٧/١٠

🔹 إيضاً لمستخدمي فيوجن:

12 -    MAGIC MASK   فى دافنشي و فيوجن :

✅ المميزات:

🔹 سهل الأستخدام وحلو لللإيدتورز لاغراض الجرافيك والموشن البسيط .
🔹مناسب لمستخدمي دافنشي وفيوجن الفعليين .

❌ العيوب:
🔸مش متاح فالنسخه المجانيه من دافنشي .

🔸 مفيش استخلاص ذكي لتفاصيل  الايدجات الدقيقة زي اللي موجود  ف روتو برش أفتر افيتكس مثلاً.

💯 تقييمي الشخصي: 6/10 

🚀 الخلاصة – هل الروتو بالذكاء الاصطناعي هو المستقبل؟

الذكاء الاصطناعي بيغير طريقة عمل الروتوسكوبينج والمات كرييشن بشكل ضخم، لكنه مش بديل كامل للعمل اليدوي بعد! الأدوات دي توفر الوقت بشكل كبير، لكنها ما زالت تحتاج تدخّل فني في كثير من الحالات.

عشان كده مهم انك تتقن أساسيات الروتو والكلين أب و تتقن برنامج اضافي زي سيلويت . وبعد كده توظف ال Ai فتسريع 
الشغل مش اكتر خاصه لو انت فريلانسر او شغال فشركة صغيرة أو متوسطه اللي عندك فيها المرونة والحرية انك تجرب وتستعمل ادوات مختلفه بعيداً عن البايبلاينز المتحجرة ,

🎬 هل جربت أي من الأدوات دي في شغل فعلي ؟  شارك تجربتك معنا في التعليقات! 💬